ދިވެހިރާއްޖޭގެ ލާމަރުކަޒީ ނިޒާމުގެ ތެރެއިން އަލަށް އިންތިޚާބުކުރެވުނު ކައުންސިލަރުންގެ ހުވާކުރުމުގެ ރަސްމިއްޔާތު އަންނަ މެއި މަހުގެ 17 ވަނަ ދުވަހު ބޭއްވުމަށް ލޯކަލް ގަވަމަންޓް އޮތޯރިޓީން ވަނީ ނިންމާފައެވެ. މިކަން މިގޮތަށް ހަމަޖެހިފައިވަނީ، ލާމަރުކަޒީ ގާނޫނުގައި ބަޔާންކުރާ ގޮތުން ކައުންސިލަރުންގެ ދައުރަކީ ފަސް އަހަރު ދުވަސް ކަމަށްވުމާއެކު، މިހާރު ހިނގަމުންދާ ކައުންސިލްތަކުގެ ދައުރު ހަމަވާނީ މެއި މަހުގެ 17 ވަނަ ދުވަހަށް ކަމަށް ވާތީއެވެ. މި ރަސްމިއްޔާތަކީ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން ރައްޔިތުންނަށް ޚިދުމަތް ދިނުމަށް ފެށޭ އައު ދައުރެއްގެ ފެށުމެވެ. މި ރަސްމިއްޔާތުގައި މައިގަނޑު ގޮތެއްގައި ކުރިއަށްދާނީ އިންތިޚާބީ ކައުންސިލަރުން ހުވާކުރުމާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީތަކަށް އިންތިޚާބުވި މެންބަރުން އެކަމުގެ އިގުރާރުގައި ސޮއިކުރުމުގެ މުހިންމު ހަރަކާތްތަކެވެ.
- އިންތިޚާބީ ކައުންސިލަރުން ހުވާކުރާނީ އަންނަ މެއި މަހުގެ 17 ވަނަ ދުވަހުއެވެ.
- މިހާރު ތިބި ކައުންސިލަރުންގެ ފަސް އަހަރުގެ ދައުރު މެއި 17 އަށް ހަމަވާނެއެވެ.
- ރަސްމިއްޔާތުގައި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ މެންބަރުން އިގުރާރުގައި ސޮއިކުރާނެއެވެ.
- ރަސްމިއްޔާތުގެ ވަގުތު ކަނޑައަޅާނީ ކަމާބެހޭ ފަރާތްތަކާ މަޝްވަރާކުރުމަށް ފަހުގައެވެ.
- ފަހުގެ އިންތިޚާބުގައި 681 ކައުންސިލަރުންނާއި 681 އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ މެންބަރުން ވަނީ އިންތިޚާބުވެފައެވެ.
އަލަށް އިންތިޚާބުވި ކައުންސިލަރުން ހުވާކުރާނީ އަންނަ މަހުގެ 17ގައި ކަމަށް ލޯކަލް ގަވަމަންޓް އޮތޯރިޓީ (އެލްޖީއޭ)އިން މިއަދު ބުނެފިއެވެ.
'ސަން' އަށް މައުލޫމާތު ދެއްވައި އެލްޖީއޭގެ އޮފިޝަލަކު ވިދާޅުވީ ލާމަރުކަޒީ ގާނޫނުގައި އޮންނަ ގޮތުން ކައުންސިލަރުންގެ ދައުރަކީ ފަސް އަހަރު ކަމަށާއި، މިހާރު ތިއްބަވާ ކައުންސިލަރުންގެ ދައުރު ހަމަވާނީ މެއި 17އަށް ކަމަށެވެ. އެހެންކަމުން އިންތިޚާބީ ކައުންސިލަރުންގެ ހުވާކުރުމުގެ ރަސްމިއްޔާތު އޮންނާނީ އަންނަ މަހުގެ 17ވާ އާދިއްތަ ދުވަހު ކަމަށް އޭނާ ވިދާޅުވިއެވެ.
އިންތިޚާބި ކައުންސިލަރުން ހުވާކުރުމުގެ ރަސްމިއްޔާތުގައި މައިގަނޑު ދެ ކަމެއް އެޖެންޑާގައި ހިމަނާފައިވާނެ ކަމަށާއި، ފުރަތަމަ އޮންނާނީ ކައުންސިލަރުން ހުވާކުރުން އަދި ދެވަނައަށް އޮންނާނީ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ މެންބަރުން އިގުރާރުގައި ސޮއިކުރުން ކަމަށް އޭނާ ވިދާޅުވިއެވެ.
އޭނާ އިތުރަށް ވިދާޅުވީ ހުވާކުރުމުގެ ރަސްމިއްޔާތުގެ ވަގުތު ކަނޑައަޅާނީ ފަނޑިޔާރުންނާއި ކައުންސިލްތަކާ ވެސް މަޝްވަރާކުރުމަށްފަހު ކަމަށެވެ.
މިދިޔަ ހޮނިހިރު ދުވަހު ބޭއްވި އިންތިޚާބުގައި 681 ކައުންސިލަރުންނާއި، 681 އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ މެންބަރުން ވަނީ އިންތިޚާބުކޮށްފައެވެ.
